You know what I mean, STRESSED is DESSERT
spelled backwards.
-
早就知道銅鑼灣地帶有間極受年輕人歡迎既
Dessert Cafe，一直都行過都見到爆哂人龍，
今次的起心肝約埋個朋友一齊感受一下年輕活力感覺！
餐廳設計開揚，有大型落地玻璃，採光度一流，
個view就正到爆啦，今晚我專攻法式甜品為目標，
聽講呢到既甜品水準拍得住五星級酒店，
質素咁有保證，唔試下真係對唔住自己！👇
-
📌紅花海鮮燴意大利飯 - $110
👉嗌左咁多甜品，無返個主食的確會差咁d，
一於整返個海鮮Risotto過下癮，果然無失望，
帶子兩邊煎得香脆，咬落啖啖肉夠嫩滑，有鮮味，
米粒用既係真正意大利貨，食起上黎有煙韌咬口，
但唔會過硬，幾岩香港人口味！
-
📌日本牛乳刨冰 - $52
▪ 宇治抹茶
▪ 紅豆
▪ 白玉
▫ 夏天殺到埋身，刨冰就係用黎降溫既絕技，
呢個用日本明治牛奶製作，所以啖啖都食到奶香味，
口感相當幼滑，我揀左宇治抹茶口味，
先將牛奶打成刨冰，混合抹茶Latte，仲有襯到絕既
日本紅豆同白玉丸子，整體層次感出哂黎。
而且甜得黎唔會話有好濟既感覺，好味又抵食！
-
📌芒果拿破崙 - $55
👉拿破崙講求密度、層次、口感，呢個絕對水準
之上。酥皮夠挺身，仲好香脆，入口唔會好易散，
牛油香夠濃郁，中間吉士醬唔算太甜，
芒果肉夠新鮮，呢個真係無得投訴呀！
-
📌焦糖蘋果酥皮撻配杏仁雪糕 - $58
👉最鍾意酥皮撻係因為貪佢即焗即出果種熱辣辣
脆卜卜既質感，加埋一球杏仁雪糕，一凍一暖，
享受果種冰火七重天既感覺，特別爽爆！
旁邊放左金黃色經焦糖煮製過既蘋果粒，
半爽半腍帶少少酸酸甜甜既味道，呢個絕對係我大愛呀！
食到咁多野埋單都係300蚊左右姐，會唔會太抵玩先！
-
📍 HeSheEat
🎈銅鑼灣記利佐治街2-10號銅鑼灣地帶2樓201號舖
Search